Home / صحت / جوڑوں کے درد، ڈپریشن اور بالوں کے جھڑنے سے نجات پائیں

جوڑوں کے درد، ڈپریشن اور بالوں کے جھڑنے سے نجات پائیں

اسلام آباد(مانیٹرنگ ڈیسک)یوں تو اللہ تعالیٰ کی عطا کردہ ہر نعمت انسان کیلئے ضروری اور فائدہ مند ہے تاہم سورج کی روشنی ایک ایسی چیز ہے جس سے متعلق بہت کم افراد جانتے ہیں کہ سورج کی روشنی سے قدرتی طور پر انسان کئی بیماریوں سے محفوظ رہتا ہے۔ وٹامن ڈی کے حصول کا سب سے آسان ذریعہ سورج کی روشنی ہےوٹامن ڈی ہماری ہڈیوں کی مضبوطی اور اعصاب کی نشونما کے لیے نہایت ضروری ہے۔ اس کی کمی ہمارے جسم کو سخت ناقابل تلافی نقصانات پہنچا سکتی ہے۔ وٹامن ڈی ہڈیوں کی مضبوطی، پسینے کے ذریعے جسم سے فاصل مادوں کو اخراج، خون کے بہاؤ کی رفتارکو کنٹرول کرنےاور ڈپریشن، مایوسی اور اداسی کے جذبات کو ختم کرنے اور بال جھڑنےسے بھی محفوظ رکھتا ہے۔ وٹامن ڈی ہڈیوں کی مضبوطی کے لیے سب سے زیادہ ضروری ہے۔ یہ ہڈیوں میں کیلشیئم کو جذب ہونے میں مدد دیتا ہے جس سے ہڈیوں کی نشونما میں اضافہ ہوتا ہے۔اس کی کمی کمر، جوڑوں اور گھٹنوں وغیرہ میں درد کا سبب بن سکتی ہے جو اس قدر شدید ہوسکتا ہے کہ آپ اپنے روزمرہ کے کام انجام دینے سے قاصر ہوجاتے ہیں۔وٹامن ڈی کی کمی جسم میں پسینہ کے غدود کو فعال کرتی ہے جس سے زیادہ پسینہ آتا ہے۔ یہ علامت نومولود بچوں میں بھی پائی جاسکتی ہے۔اگر کسی شخص یا بچے کو بہت زیادہ پسینہ آرہا ہے تو یہ وٹامن ڈی کی کمی کی علامت ہے اور ایسی صورت میں فوری طور پر اس کے تدارک کی ضرورت ہے۔وٹامن ڈی کی کمی خون کے بہاؤ کی رفتار کو کم کرتی ہے جس سے ایک طرف تو اعصاب اور پٹھوں کے کام کرنے کی صلاحیت متاثر ہوتی ہے۔ دوسری جانب دماغ کی طرف خون کا کم بہاؤ ڈپریشن، مایوسی اور اداسی کے جذبات پیدا کرنے کا سبب بنتا ہے۔بالوں کا تیزی سے جھڑنا ذہنی دباؤ کے باعث ہوتا ہے تاہم وٹامن ڈی کی کمی بھی اس کی ایک وجہ ہے۔ خواتین میں خاص طور پر بال جھڑنے کی وجہ وٹامن ڈی کی کمی ہی ہے۔وٹامن ڈی کی کمی پٹھوں میں درد اور الرجی کا سبب بھی بن سکتی ہے جو جلد کو زخمی بھی کرسکتی ہے۔ ایسے افراد سپلیمنٹس کے ذریعے وٹامن ڈی کی کثیر مقدار لے کر اس تکلیف سے محفوظ رہ سکتے ہیں۔

About رخسار

Check Also

زیادہ نمک کھانے کی عادت دل کے لیے تباہ کن ہے : طبی تحقیق

فن لینڈ(مانیٹرنگ ڈیسک) اگر آپ کو کھانے میں زیادہ نمک پسند ہے تو بری خبر …

جواب دیں